მომავალი შენია

ჩვენი სამშობლო რეალური ცვლილებების ზღურბლზე დგას. ისე, როგორც არასდროს, დღეს ქართველი ხალხი არის ერთიანი, მიზანდასახული და მტკიცე საკუთარ არჩევანში.

საქართველოს მოქალაქეებმა დაამტკიცეს, რისი გაკეთება შეუძლიათ. ჩვენ გვჯერა ჩვენი წინაპრების ისტორიული არჩევანის, ჩვენ ვიცით ჩვენი მომავალი თაობის არჩევანი: ევროპა - ქრისტიანული ცივილიზაციის აკვანი, კეთილდღეობისა და უსაფრთხოების გარანტი!

კოალიციური და არა ერთპარტიული მმართველობა არის გზა რეალური ცვლილებებისკენ.

ჩვენ, “კოალიცია ცვლილებებისთვის” გავერთიანდით იმისთვის, რომ საქართველოში მოვიტანოთ:

• ცვლილება რომელიც ევროკავშირში ინტეგრაციასა და ევროპულ მომავალს უზრუნველყოფს;
• ცვლილება რომელიც შექმნის ისეთ ეკონომიკურ შესაძლებლობებს, რომელიც იქნება წარმატებისა და ბედნიერების წინაპირობა ყველასთვის;
• ცვლილება რომელიც ჩვენს მომავალ თაობას მისცემს შესაძლებლობას, განვითარდეს და წარმატებას მიაღწიოს საკუთარ სამშობლოში;
• ცვლილება რომელიც დააბრუნებს ემიგრანტებს და გააერთიანებს ქართულ ოჯახებს.